ბევრმა იცის ვინ არის რენცო როსო? ალბათ ძალიან ცოტამ. თუმცა, მის შექმნილ ბრენდზე ალბათ ყველას სმენია.  საუბარია ცნობილ სავაჭრო სახლზე Diesel-ზე.მისი დამაარსებელი დაიბადა 1955 წელს, უბრალო ფერმერის ოჯახში,ჩრდილო-აღმოსავლეთ იტალიაში. იზრდებოდა დამოუკიდებლად და 14 წლის ასაკში დაიწყო მოდური ტანსაცმლის კერვა. რენცო მალევე მიხვდა, რომ სრულყოფილებისთვის საჭირო იყო სწავლა. ამიტომ იგი დაეუფლა კერვის ხელოვნებას,შეისწავლა ეკონომიკური თეორიები,მენეჯმენტის  და ბიზნესის მართვის საფუძვლები.განათლების მიღების შემდეგ მუშაობა დაიწყო სამოდელო სახლში, რომელიც ეკუთვნოდა ადრიანა გოლდშმიდს.ამბიციურმა რენცომ,საწყისი კაპიტალის დაგროვების შემდეგ გადაწყვიტა დაეწყო საკუთარი ბიზნესი, რომელსაც სახელი დაარქვა Diesel. Diesel თითქმის ყველა ენაზე ერთნაირად იკითხება და ჟღერს.რენცო ოცნებობდა დაეპყრო მთელი მსოფლიო და მან ეს მოახერხა 1981 წელს.