მილანი, 1913 წელი, აი საიდან იწყება მოდის სახლ Prada-ს ისტორია. ამ წელს Mario Prada აფუძნებს კომპანიას Fratelli Prada-ს, რაც იტალიურიდან ითარგმნება, როგორც "ძმები პრადა". კომპანია სპეციალიზირებული იყო საბარგო ჩანთების წარმოებაზე.
კომპანიის დაარსებიდან 45 წლის შემდეგ, სათავეში ჩაუდგა Mario-ს ქალიშვილი Luiza.იმ დროისათვის Prada ცნობილი იყო არამარტო იტალიაში, არამედ მთელ ევროპაში.ევროპელი და ამერიკელი არისტოკრატები წარმატებით ყიდულობდნენ კუს ჯავშნისგან დამზადებულ და ძვირადღირებული ქვებით მორთულ ჩანთებს.თუმცა ესეთი ეგზოტიკური ჩანთები არ იყო პრაქტიკული და ხალხის ინტერესიც მათდამი ნელ-ნელა ქრებოდა.
დღეს,Prada არის ძლიერი კონცერნი, რომელიც აერთიანებს 6 სავაჭრო სახლს : Miu Miu, Jil Sander, Granello, Prada Donna, Prada Uomo და Helmut Lang.
სამგზავრო ჩანთების,ტანსაცმლისა და აქსესუარების გარდა, კომპანია წარმატებით აწარმოებს პარფიუმერიასაც.ცნობილმა პარფიუმერმა Danielle Andrier-მა შექმნა პირველი მამაკაცის სურნელი Prada, რომელიც არის თავმდაბალი , თუმცა იმავდროულად დამაინტრიგებელი და გამჭვირვალე.ეს კლასიკური სურნელი დაფუძნებულია 4 აკორდზე : მსუბუქი,ფუჟერული,ზამშის და ამბრის.Prada Man ასე ეწოდება ამ კომპოზიციას და ითვლება ინდივიდუალურ სურნელად.Prada -ს სუნამოები არის ძალიან ორიგინალური და მათ კომპანიას შეუქმნეს შესანიშნავი პარფიუმერული ისტორია.
